漫畫家@Pingman ─

零九年完成第三本跟「鬼王」潘紹聰合作嘅漫畫作品終於印製完成，今次收到嘅書版非常咁滿意，事關《搞乜鬼恐怖在線》嘅書度尺寸同內文書紙都係我自己好鍾意嘅組合。自自然攞上手就特別有親切感。

講番本書，內容都係以恐怖加搞笑組合嘅靈異漫畫，自從跟潘紹聰合作過《恐怖在笑》後，呢個鬼王都好多鬼主意，就繼續延續搞鬼嘅構思落去。點解叫《搞乜鬼恐怖在線》，事緣又係出版社轉投問題，自自然又改過個書名繼續靈異、繼續搞笑。希望大家都鍾意新鮮嘅設計組合啦！

本書今日到我手，相信係運輸同發行過程安排下本周末會首先喺各大OK便利店有售，下星期至會於各大書局同時發售，（溫馨提示：靈異潘紹聰尖沙咀店會優先有得賣）最後真係多謝「才藝館」嘅配合及大力支持，繼續帶畀大家靈異加搞笑去延續又延續，《搞乜鬼恐怖在線》又會繼續2、3、4⋯⋯

鬼王@潘紹聰 ─

我仍很相信"人在做天在看"這句說話。 其實,除了天之外,還有很多的眾生。 一個結束,又是另一個開始。 今天我選擇沉默,是為了靜待一個更 適合自己的好開始。